Lagu Anak Aceh Tempo Dulu; Kini hanya jadi nostalgia bagi orang tua

Disusun kembali oleh:  T.A. Sakti




 1. Lagu bermain “Mei-mei Ukam” yang berbunyi :
“Mei-mei ukam boh mamplam tuha muda
On sion campli mangat Qur’an tamat malam jula
Co lulop-co lulop nyang dilikot khob sidroe
Keterangan: Dulu dimainkan anak-anak di malam bulan purnama

2.  Pok pok ye
Ma ublang Du ugle
Pot boh Me saboh karang
Pot boh Ram saboh tangke
Nyang putik taprom di Bak
Nyang masak tapajohle
Tasak uyub bruek
‘oh talhuek ka hanale
Dicokle Sipuree
‘Oh talakee han jibrile
Keterangan : Disyairkan tatkala sang anak menjaga adiknya.


3. Syok-syok  Mbeng
Kupurang-kupureng
Datok seundi datok seundang
Dara blang dara bideng
Cok kleng culek gapu
Meuharu bak bak jok
Meusarok bak bak pisang
Bak pisang pade layee
Bak rubee pade muda
Syot ranub sikureueng on
Syot jantong sikureueng boh
Syulluem pat boh
Beudoh jak mita
Tangguleng-tangguleng
Uraiannya : Biasa dimainkan pada  sore  hari


4. Kuek saree-saree
Han kaweuek mate ban lhee
Kuek saruek-saruek
Mate Ma pat kaduek
Kaduek cong jeuraloh
Katoeh boh saboh paruek
Keterangan : Dinyanyikan ketika mereka  melihat Kuek/burung terbang, baik pagi atau sore dan di sawah.


5. Got-got panyang iku
Geulungku panyang mata
Nyang tabri han jipajoh
Nyang tatroh jijak mita
Keterangan : Disenandungkan ketika melihat atau mendengar suara burung itu.


6. Ak-ak mate Ma ho kajak
Kajak u gle
Ku seubude ban tangkurak
Kajak bak kee
Ku seubee ngon tanoh cak
Uraiannya : Dilantunkan di saat melihat/mendengar suara burung AK-AK.


7. Kleueng puteh ulee
Keulabee mirah mata
Jipo jeuoh-jeuoh
Jipiyoh di gampong Jawa
Gampong Jawa pihka tutong
Jak bloe bakong keu keurija
Keurija hana jadeh
Linto weh malam jula
Pakon kaweh dikah linto
Jeulamei le han ek lon ba
Uraiannya : Didendangkan saat mendengar/melihat burung Elang.


8. Hiem aneukmiet :
Tob mie lhee
Tob asee lhee
Tob jareueng-jareueng
Cuba bileueng na siploh lhee


9. Hiem aneukmiet :
On mulieng meukru
On labu meu-ulat
Rot barat ureung beuet Nah’u
Rot timu ureueng seumurat


10. Astaghfirullah
Lana wa lahu
Mingkul lizanbin kana ‘indahu
Buleuen di langet jitron u bumoe
Nabi geutanyoe ji peumulia
Buleuen disujud ubak panghulee
Lam sapai bajee jigisa-gisa
Ji beudoh sinan ji lingka K’akbah
Rakyat barullah jikalon rupa
Tujoh seun tujoh jilingka sabe
Hireun sikafe asoe Nuraka
Ji beudoh sinan jiek u langet
Bintang meublet-blet pujoe Rabbana
Keterangan : Biasa dilagukan di Rumoh Seumeubeuet/Balai Pengajian.


11. Allahu Allah Allahu Rabbi
Liwaul hamdi anta tahtiya
Liwaul hamdi payong Muhammad
Kalimah meusurat lapan boh punca
Punca awai phon geusurat Bismillah
Alhamdulillah punca keudua
Punca nyang keulhee kalimah taiyibah
Peuet nama Allah ‘Azza wa Jalla
Punca keulimong geupeunan kiblat
Punca nam meuhat geupeujeuet donya
Punca keutujoh peusuroh Tuhan
Punca keulapan Syuruga Nuraka
Keterangan: Dibaca beramai-ramai di Bale Beuet atau Meulasah.

12. Buleuen di bapeun
Bintang di binteh
Ho Ma keuh Nyak Buleuen
Jak pok tumpeun u beurandeh
Peu tupeun tupeun nudang
Tikoh cang lam lungkiek binteh


13. Bukon sayang lon kalon buweh
Puteh-puteh di laot raya
Bukon sayang lon kalon wareh
Meu-oek ka puteh seumbahyang hana
Tuleung ka guruek urat ka kundo
Pakon Teungku E seumbahyang hana
Yoh masa muda tapreh ohtee syik
Yoh masa putik tapreh ‘oh tuha
Jinoe ka tuha meupeu tapreh lom
Tapreh geusumpom dalam keureunda (?)


14.  Do doda idi
Mirah pati patah teuot
Mate Ma bak ulee jingki
Mate Abi bak raga eungkot
-          Do doda idi
Peuraho bungka u Idi
Jiboeh layeue  hitam hijo
Leuho-leuho troh u  Idi


15. Laa ilaha illallah
Nabiyullah ka neu wafeuet
Leupah Nabi neuwoe bak Tuhan
Tinggai Quru’an ngon seulaweuet
‘Umar ‘Usman ‘Ali
Abubakar sahabat Nabi
Tuan Fatimah binti Rasuli
Nabi Muhammad Janjongan kami
Ya Muhammad Ya Habibi
Neupreh kamoe bak ulee Titi
Titi haloh lagi tajam
Bek meusireuk tapak gaki


16. Apabila mate dum aneuk Adam
Putoeh ‘amalan sinoe di donya
Malengkan nyang na Poma ngon Ayah
Beuna neukeubah meulhee peukara
Nyang peurtama phon seudeukah jariyah
Bak jalan Allah meuna neutem bri
Teuma keudua ‘ileumei meunafaat
Peutunyok umat bekroh lam jahe
Aneuk nyang shaleh teuma nyang keulhee
Lam jeueb-jeueb watee meudo’a sabe
‘Oh lheuh seumbahyang do’a jilakee
Pahla meuteumei bak Allah sabe
Keterangan : Biasa disenandungkan sambil menunggu datangnya jamaah maghrib, setelah Azan.


17. Amin Amina
Ya Rabbal ‘Alamina
Istajib do’a ana
Kullana ajma’ina


18. Syek kureh
Mate kurang
Teubiet glang ngon sikura
Ku tunyok hanco ku teungon ceukang
Mate glang ngon sikura


19. Allah hai cang geuliwang kayee
Janggot ka panyang seumbahnyang han bee
Keupeue guna neu peuduek janggot
Menoe ulon toet bekle meubulee
Keterangan : Biasa dilagukan selesai mengaji di Bale Seumeubeuet atau Meulasah.


20. Bak beurinyong timoh di gunong
Anyot bungong u kuala
Wajeb taulan ta teumanyong
Pat han keunong ta pareksa
Timu barat baroh tunong
Ta teumanyong bak ‘ulama
(sumber : Kitab Akbarul Karim, Teungku Seumatang).


21. Dut dut apui
Si mutui pajoh Abo
Han kabri keulon bacut
Ku ceudut bak asoe baho


22. Abubaka geuculek sipoet
Manok meulot ngon cicem pala
Cicem pala meujudo-judo
Dara baro meutuka ija
Ngon soe meutuka ngon ureueng Aceh
Leubeh-leubeh ngon  ureueng kaya
Ureueng kaya na rumoh bapeun
Bungong di leun meubanja-banja


23. Tateh, Sinyak dijak u Aceh
Keubeu ka jiwoe
Taloe tinggai di Aceh

Sumber: http://tambeh.wordpress.com/category/uncategorized/